Barca ដាក់សំណើ ៩០លានផោន និងដាក់កីឡាករ ៦រូបឲ្យ PSG រើសយក២រូប ដើម្បីបាន Neymar

អេស្ប៉ាញ៖ ក្លិបបាល់ទាត់អ្នកមានបុណ្យ Barcelona ត្រូវបានគេរាយការណ៍មកថា បានដាក់សំណើ ៩០លានផោន បូករួមជាមួយកីឡាករ ២រូប ដើម្បីសុំទិញ Neymar មកវិញពីក្លិបអ្នកមាននៅបារាំង Paris Saint-Germain។ ក្លិបជើងឯក La Liga បានដាក់បញ្ជីឈ្មោះកីឡាករ ៦រូប ឲ្យក្លិបជើងឯក Ligue 1 រើស យក ២រូប ដើម្បីជាថ្នូរនឹងការទិញយក Neymar។ Philippe Coutinho, Ousmane Dembele, Ivan Rakitic, Nelson Semedo និង Malcom សុទ្ធតែមានឈ្មោះនៅក្នុងបញ្ជី ខណៈកីឡាករមួយរូបទៀតមិនបានបង្ហើបឲ្យដឹងនោះទេ បើតាមសារព័ត៌មាន Sky Sports។